"A vida violenta" fanzine

Nace o fanzine "A vida violenta" para autoeditarme.
Contos, poemas e colaxes para proxectarme ó mundo.
Cada número unha creación que revoloteaba no caixón ou que foi creada específicamente para ver a luz de súpeto. Proxecto que renova formato en cada número, aberto a ser compartido con outras/os.
O primeiro número o meu "Pecadiñorixinal" en forma de mazaíña.

1ª edición de 20 copias.
Cartulina verde mazá recortada e texto impreso.
Fotiño de Betty Page que inspirou o conto.
Seliño de corazón salvaxe debuxado a man.
-0.30 euros en man ou tendas.
-0.30 + gastos de envío, por correo.

Escribídeme a corazonsalvaxe@yahoo.es
Pinchade aquí pra ler a traducción ó castelán do conto.

Radiando...

Mañá vou a un taller de radio, e buscando información sobre o que fan en Radio Vallekas as miñas profes de mañá atopei Radio Tierra de Chile, e nela unha extensa e interesantísima entrevista a Gioconda Belli.
Recoméndovos tamén o precioso programa de "Pasión por el ruido" se vos interesa o punk, e "Sopa de poetes" dende Cataluña se vos move a poesía.
¡Que ganas de aprender!

A miña parte morta

Eu son das de líquido final.
Das que se afunden en gases pechados.
Oven, oven, oven… minto.

Porque creo que para encarar, ou ser
-non para estar, non para zafarse–
hei vomitar, ou mellor deixar caer
turbiedade que é auga suxa,
axitada os días roxos,
pero sempre aquí, clara con
anaquiños de de todo, restos que me restan,
manchas flotando se amaina,
algún xoguetiño bonito estrago
-que non sexa de peluche, por favor-.

Hei babear e respirar e renacer.
Sei do que falo. Necrosis.
Prometo e predigo a caída do corazón negro,
a miña parte morta.

***


DÚAS COUSIÑAS:

1. O verso "axitada os días roxos" debería ir nesa liña, pero comezando á altura de "suxa". A plantilla do blog non me deixa sangralo, asi que aquí vai a explicación do cambio de lugar no poema.
2. Encantaríame poder activar o recadriño de comentarios para que todo o mundo que queira, poda escribir algo, pero o mesmo de antes, o blog négase...
Calquera cousiña a: nana_coromoto@hotmail.com

Mil gracias e bicos,
Ana